2018-2019 оны хичээлийн жилд СӨБ-ын чиглэлээр хийгдсэн ажлын товч тойм
СӨБ-ын ЦӨМ хөтөлбөрийг хэрэгжүүлэх чиглэлээр:
- Аймгийн төрийн болон хувийн цэцэрлэгүүд бүс, тойргийн харьяаллын дагуу “СӨБ-ын цөм хөтөлбөр”-ийг хэрэгжүүлэх нэгдсэн уулзалт, сургалт, үзүүлэх ажлуудыг зохион байгуулж , хөтөлбөрийг хэрэгжүүлэх цаашдын алхмуудаа тодорхойлон ажиллалаа.
- СӨБ-ын багшийн “Смарт” технологи шалгаруулах үйл ажиллагаанд 17 цэцэрлэгийн 24 бүтээл ирснээс Мөрөн сумын 1-р цэцэрлэгийн “ Сэтгэхүй хөгжүүлэх дугуйлангийн үйл ажиллагаа” бүтээл 1-р байранд шалгарч алтан медаль, Мөрөн сумын 2-р цэцэрлэгийн “Хонхот хөгжим” технологи 2-р байранд мөнгөн медаль, Мөрөн сумын 7-р цэцэрлэгийн “Бүүвэйн дуу”, Мөрөн сумын 8-р цэцэрлэгийн “Сэтгэхүй хөгжүүлэх дасгал тоглоомууд” бүтээлүүд хүрэл медалийн болзол хангасан байна.
- Бага насны хүүхдийн оюун ухааны болон бие бялдрын хөгжлийг дэмжихэд чиглэгддэг “Уран хөдөлгөөнт гимнастик”-ийн тэмцээнд Мөрөн сумын 13 цэцэрлэг, Шинэ-Идэр, Жаргалант, Эрдэнэбулган, Рашаант сумын цэцэрлэгийн хүүхдүүд оролцож Мөрөн сумын 3-р цэцэрлэгийн баг алтан медаль, Мөрөн сумын 4-р цэцэрлэгийн баг мөнгөн медаль, Мөрөн сумын 13, 2-р цэцэрлэгүүдийн хүүхдүүд хүрэл медаль хүртсэн байна.
- СӨБ-ын цөм хөтөлбөрийг хэрэгжүүлэх үйл ажиллагааг хэвлэл мэдээллийн хэрэгслээр өргөн сурталчилж аймгийн телевизүүдээр 36 цагийн нэвтрүүлгийг цацсан байна.
- “СӨБ-ын багш нарын ур чадварын уралдаан” 2 үе шаттай зохион байгуулагдлаа. Эхний шалгаруулалтыг бүсийн цэцэрлэгүүдийн түвшинд , 2 дахь шатны шалгаруулалтыг БСУГ /бүс бүрээс шалгарсан багш нарын хүрээнд / Мөрөн сумын “Бөмбөлөг” 12-р цэцэрлэг дээр зохион байгууллаа. Уг уралдаанд Мөрөн сумын 13-р цэцэрлэгийн багш Түмэндэмбэрэл алтан медаль, Мөрөн сумын 12-р цэцэрлэгийн багш Ганцэцэг мөнгөн медаль, Мөрөн сумын 11-р цэцэрлэгийн багш Баярцэцэг, 10-р цэцэрлэгийн багш Эрдэнэтуяа нар хүрэл медаль хүртсэн байна. Уг үйл ажиллагааг Мөрөн сумын “Цэнхэр дэлхий” 10-р цэцэрлэг 10 жилийн ойн ажлын ажлын хүрээнд ивээн тэтгэлээ.
СӨБ-ын орчны стандартыг хангах чиглэлээр:
-
Мөрөн сумаас зохион байгуулсан “Төлөвлөлт сайтай хотоос –Тохижилт сайтай хот” уралдаанд Мөрөн сумын 13 цэцэрлэг амжилттай оролцож цэцэрлэгийн эдэлбэр газрынхаа 70-80хувийг ургамалжуулж, хашаа хайсыг өвөрмөц содон дизайнаар шинэчилж, гадаа тоглоомын талбайг стандартын дагуу тоглоомжуулж , цэцэрлэгүүд өөрсдийн боломжийг ашиглан усан оргилууртай болсноос гадна цэцэрлэгийн барилгыг иж бүрэн будаж өнгө зүсийг эрс сайжрууллаа.
2019-2020 оны хичээлийн жилд Мөрөн сумын 5-р цэцэрлэгийн 4 бүлэгтэй өргөтгөл, Мөрөнгийн 6 бүлэгтэй 14-р цэцэрлэг /шинээр/ , 6 бүлэгтэй Бүрэнтогтох сумын цэцэрлэг, Төмөрбулаг суманд 4 бүлэгтэй цэцэрлэг, Тариалан сумын хүүхдийн цэцэрлэгийн 4 бүлэгтэй өргөтгөл, Цэцэрлэг суманд 6 бүлэгтэй шинэ цэцэрлэг, Рашаант сумын цэцэрлэгийн 2 бүлэгтэй өргөтгөл, Цагаан-Үүр сумын цэцэрлэгийн 2 бүлэгтэй өргөтгөл, Мөрөн сумын 11 –р цэцэрлэгт 2 бүлэгтэй өргөтгөл тус тус ашиглалтанд орно. Ингэснээр 18 бүлэг шинээр нэмэгдэж 500-550 орчим хүүхэд шинээр СӨБ-д хамрагдах боломж бүрдэнэ.
2. Хөвсгөл аймагт 28 хүүхэд харах үйлчилгээ ажиллаж байна. Үүнд: Бүрэнтогтох -1, Цагаан-Нуур 1, Тариалан 1, Арбулаг 1, Алаг-Эрдэнэ 1, Баянзүрх 1, Галт 1, Жаргалант 1, Тосонцэнгэл 1, Хатгал 1, Цэцэрлэг 2, Чандмань-Өндөр 1, Их-Уул 1, Баянзүрх 2, Улаан Уул 1, Мөрөнд 11 ажиллаж байна. Хүүхэд харах үйлчилгээнд хамрагдаж байсан хүүхдүүдийг 2019-2020 оны хичээлийн жилд СӨБ-д бүрэн хамруулах чиглэлээр тодорхой үүрэг даалгавар өгч хэрэгжилтийг тооцон ажиллаж байна. Дээр дурдагдсан барилгууд ашигалтанд орсноор сургуульд элсэхийн өмнөх 5 настай бүх хүүхэд СӨБ-д хамрагдах боломж үүсэх юм.
2019 оны 6,7 -р сард 24 сум, Могойн-Гол, Зүрх багт зуны нүүдлийн 72 гэр цэцэрлэг ажиллана