Ерөнхий боловсролын сургуулийн захирал, цэцэрлэгийн эрхлэгч, нягтлан бодогч нарын нэгдсэн уулзалт, сургалт мэдээлэл өгөх үйл ажиллагаа 2021 оны 12 сарын 02-ны өдөр Дэлгэрмөрөн цогцолбор сургууль дээр эхэллээ. Тус үйл ажиллагаанд нийт 130 гаруй хүн оролцсон бөгөөд сургалт мэдээллээр Боловсролын тухай хуулийн өөрчлөлт, эрх зүйн шинэчлэл, Цахим төсөв-2022, Боловсролын салбар дахь хүүхэд хамгаалал, анхаарах асуудал сэдвээр мэдээлэл өгч харилцан санал солилцлоо.

Боловсролын салбарын эрх зүйн шинэчлэл сэдвээр БГ-ын дарга Ц.Ганзориг,

Боловсролын салбарын цахим шилжилт агуулгаар БГ-ын мэргэжилтэн, статистикийн улсын байцаагч П.Хуншагай,

Боловсролын салбар дахь хүүхэд хамгаалал, цаашид анхаарах асуудал сэдвээр ГБХЗХГ-ын дарга Ч.Дашбаяр,

Төсвийн шинэчлэл, бодлого, төлөвлөлт сэдвээр АЗДТГ-ын Санхүү, төрийн сангийн хэлтсийн дарга Г.Базар,

2021 оны төсвийн гүйцэтгэл, анхаарах асуудлаар БГ-ын төсвийн ахлах мэргэжилтэн Н.Далайжаргал нар мэдээлэл хийж, чиглэл зөвлөмж өглөө.