Боловсролын багц хуулийн төслийн хэлэлцүүлэг Дархан-Уул аймагт 2021 оны 12 сарын 11-ны өдөр эхэллээ. Энэхүү бүсийн хэлэлцүүлэгт Дархан Уул, Орхон, Сэлэнгэ, Булган, Хөвсгөл аймгуудаас нийт 400 гаруй төлөөлөгч хүрэлцэн ирсэн.Хөвсгөл аймгаас ерөнхий боловсролын сургууль цэцэрлэгийн багш, захирал, эрхлэгчийн төлөөлөл 22 хүн оролцож байна. Хэлэлцүүлэгт УИХ ын гишүүн БСШУС-ын Байнгын хорооны дарга Г.Дамдинням, УИХ-ын гишүүн Г.Мөнхцэцэг, Ч.Ундрам, Б.Жаргалмаа, н.Баттөмөр, БШУ ны дэд сайд Г.Ганбаяр, хэлтсийн дарга А.Цолмон, Ж.Мягмар нар оролцож Багц хуулийн танилцуулга мэдээлэл хийж хэлэлцүүлэг өрнүүллээ.